Le forum de Kairouan

منتدى القيروان
 
AccueilAccueil  CalendrierCalendrier  GalerieGalerie  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  
السيد عبد المجيد لغوان الوالي الجديد لولاية القيروان
نبيل الضيف يعود إلى ممارسة مهامه على راس النيابة الخصوية في انتظار صدور القائمة الجديدة ويبادر بإزالة بناءتين فوضويتين أحداها بالحي التجاري 1 والثانية بطريق حفوز

Partagez | 
 

 Nouvelle Rubrique Environnement

Voir le sujet précédent Voir le sujet suivant Aller en bas 
Aller à la page : Précédent  1, 2
AuteurMessage
Back Again
Admin
avatar

Masculin
Nombre de messages : 2640
Localisation : Le sahel kairouanais
Humeur : en dents de scie
Loisirs : Culture & Sport
Date d'inscription : 16/01/2006

MessageSujet: Re: Nouvelle Rubrique Environnement   Dim 15 Aoû - 14:04

boudidah tijani a écrit:
ليتهم اخترعوا خليطا يمتص الافكار الرجعية و الهدامة و المظاهر السلبية التى تعشش فى عقول بعض القراوة
حاشاهم القراوة اللي في معظمهم ناس زواولة و طيبين عندهم تاريخ كبيرو و مستكفين بأرواحهم أما يا خويا التيجاني هاك الكعبتين و كعبة اللي شادين رواشك الانتخابات الجهوية وحاطين فيها الفلوس و الهدايا و المسالن أعطيه برك يقعد في المنصة بحذا والي و إلا وزير و راكبين علينا توا سنوات و سادين البيبان أمام الكفاءات و الشباب و خايفين من الناس الكل، صغيرْ و كبيرْ و اللي يدبي عالحصيرْ؟؟؟

وهاي جايتنا علي الأبواب ميسرة انتخابات الشعب و الجامعات و تاو تشوف كي العادة ما يطلع كان آخر كعبة في الفيترينة، ثـُومـَة تـْعوّضْ بـَصـْلة، و تاوْ تشوف كيف عساس مدرسة يطيح طبيب و الا مهندسْ. يا سيدي هاذوكا بعد ما تـْوَفـّي راعيهم السياسي (هـ.ع) قـعـْدو مـُدّة يـْلوّجو علي زعيم عندو علاقات ما لقاوشْ، وَلاّوْ عملو 'لوبي' قوي يجمع أربع قطاعات حساسة في البلاد (لا فائدة في ذكرهم) حتي ما يسلطوش علينا العصا؛ العباد الكل تعرفهم مقرهم باش الناس تشوفهم و تهابهم حانوت في باب الجلادين يقعدو فيه كل عشية عاملين سلطة موازية للإدارة حتى أنه في المدة الأخيرة اثر إعفاء الكاتب العام للجنة تنسيق التجمع مـْشاوْ لـْمـُعتمد في أقصى شمال البلاد لانتدابه ووضعه تحت سيطرتهم واعدينو ببلاصة في مجلس النواب و حلـّفـُوهْ علي القرآن. و فما إطار آخر كفء بولاية سوسة كان هو باش يجي للجنة التنسيق كتبو فيه طـْرانت جوابات تسيء لسمعته وفي آخر لحظة جاء كاتب عام نظيف و ما عندو ولاء كان لرئيس الدولة ربي يبقيه و يخليه.

هاذوكا يا سيدي بالمرصاد لكل الكفاءات حتـّى التجمعية منها، وهات عاد اشكون اللي كسـّرولو جمعيتو، و اشكون اللي عدّاوُوه علي لجنة النظام، و اشكون اللي كتبو فيه كي العادة طرانت جوابات، و أنا بيدي اللي ما عنديش حتي طموح سياسي و مشني محاككهم في حتي بلاصة رغم اللي والدي وسام الإستقلال ما سـْلـِمتشْ منهم و نبرو عليا مع مسؤول كبير في الجهة بمجرد أنه يراوني نتحدث معاه عرضا خلي عاد كان مشيتلو نولي بالحق خايف علي روحي يوليو يقولو آش عندو معاه و يكثر الضرب؛ و حتي كيف يستدعاني وليت نتحرج و ما نحبش نمشيلو ولكن أنا قلبي كبير و قاعد نخدم في بلادي بصمت و ما نسمعهمشي.

ونزيد نقلك فمـّا اشكون وقت اللي يتسمي مسؤول في الجهة يبعث جماعته لمنطقته و يقلهم شوفولي ثلاثة حاجات : يشرب، وَإلاّ يزني، وإلاّ يحب الفلوس، و زيد يهديولو علي البلاصة فـَليجة كرافاتات و قاجوات غلة باش يجرّبوه و يقولولو مواطنين و أهالي القيروان فرحانين بيك وبكلنا كيف ما تعرفو مشنا معصومين من نقيصة و لازم تلقي واحد يـُحصل. و فـَمـّا اشكون طاح بالحق للدّنكْ فيما مضى و نعرفوهم و يبقاو يدوّرو فيه خوصة في صبعهم؟؟؟

هاذوما يا سيدي اللي عينيهم علي الطاير والناقز و حتي المسؤلين الإداريين ميشي سالمة منهم متسللين عبر قنواتهم لمكاتبهم حتي يتعرفو علي مواعيدهم و برامجهم اليومية و حـْليلو اللي يتردد أكثر من اللاّزم و بدون موجب و يـْحسـّو فيه خـْطر علي مواقعهم، راهو يديهم طويلة يقطـّعولو لحمو بالتنبير و الوشايات بالتداول واحد بعد واحدعند المسؤولين الكبار (اخطاك منه 'مـْضبع' هاذاكا) و في الأماكن العمومية، و يخبشوه بضوافرهم و يلفـّقولو مـْيات ألف مكيدة و مكيدة إيذا لزم باش يبقاو في بلايصهم و يربعو و يخمسو.

هاذوكا يا سيدي اللي تاعبين برشا و معششة في عقولهم الأفكار الرجعية والهدامة و راهو كيف نرجعو للطبيعة و البيئة السـّـْبـُولة اللي معبـّية تلقاها متدنية و اللي فارغة تلقاها ديما واقفة شوكة.

ما تآخذونيش راني ديما نهتري و ما نعرفشي آش نقول وقت اللي بلادي و هويتي و مسقط رأسي تبدا في حالة مزرية ووليت نستعار بها قدام ضيوفي توانسة و أجانب؛ و ربي يهدينا و يرشدنا في خدمة بلادنا اللي ما تفيق كان بـِمـّاليها وبـْشبابها و كفاءاتها موش بتكديس المناصب و الجاه و المال و بأشباهْ كفاءات (...)؟؟؟

هيا توا يزيني راني كثـّرتلها؛ أما راوْ في قلبي برشا حكايات أخري تاو يجي وقت نحكيو فيها؛
السلام عليكم.



_________________
Med Rebai
The Sun Back Again

du forum | de Kairouan | de Kairouan


Dernière édition par Back Again le Lun 16 Aoû - 2:05, édité 11 fois
Revenir en haut Aller en bas
Voir le profil de l'utilisateur http://www.kairouan.org
boudidah tijani



Nombre de messages : 130
Age : 56
Localisation : kairouan
Humeur : cool
Loisirs : culture sport journalisme voyage
Date d'inscription : 13/09/2009

MessageSujet: Re: Nouvelle Rubrique Environnement   Dim 15 Aoû - 20:35

خسارة ..و الف خسارة ..القيروان قعدت تاعبة برشة و السبب اولادها ..الى ما يحبولهاشى الخير و التقدم و يحبوها تبقى مشلكة و 10 لتالي ...المسؤول الي يجي يلقى المشاكل و التكمبين و التنبير و العراقيل يصبر و يجتهد و يعمل على تصفية القلوب و تقريب وجهات النظر ثم يصيبه الاحباط ، فيقول بينو و بين نفسو " بلاد ما نفعتهاشى اولادها " ، ماش ننفعها انا ؟؟؟
فمتى تتغير هذه العقلية الرجعية و الهدامة ؟؟؟؟
Revenir en haut Aller en bas
Voir le profil de l'utilisateur
wadja79



Nombre de messages : 814
Age : 38
Localisation : La Marsa
Humeur : hamdoullah
Loisirs : Lecture, Sport
Date d'inscription : 02/09/2009

MessageSujet: Re: Nouvelle Rubrique Environnement   Lun 16 Aoû - 12:31

Back Again a écrit:

حاشاهم القراوة اللي في معظمهم ناس زواولة و طيبين عندهم تاريخ كبيرو و مستكفين بأرواحهم أما يا خويا التيجاني هاك الكعبتين و كعبة اللي شادين رواشك الانتخابات الجهوية وحاطين فيها الفلوس و الهدايا و المسالن أعطيه برك يقعد في المنصة بحذا والي و إلا وزير و راكبين علينا توا سنوات و سادين البيبان أمام

السلام عليكم،

حبيت نقول للمسؤولين هذوما إلي راني أندّد بما قاله سي محمد الربعي و نختلف معاه جملة و تفصيلا، على خاطر مسؤولينا ربّي يفضّلهم خلّاو القيروان جنّة على الأرض. كلّ شيء عنّا بالبالة : الخدمة بالبالة، الطرقات بالبالة، الاستثمارات بالبالة، وسائل الترفيه بالبالة، الجامعات بالبالة، الروبافيكا بالبالة...كل شيء، كل شيء متوفّر عنا في القيروان و ما ناقصنا كان رضاكم يا مسؤولينا الكرام إلي تخدموا صباحا مساء و يوم الأحد لراحتنا و راحة أطفالنا و عمركم بالعمر ما خمّمتوا في أطفالكم إنتوما و إلا في رواحكم على حسابنا. و بالمناسبة هاذي, نهديكم قصيدة "أشدّ على أياديكم" إلي هي كانت موجّهة أساسا للمقاومة الفلسطينية و لكن، و بكل أمانة، إنتوما استحقّيتوها أكثر منهم :


أناديكم

أشد على أياديكم..

أبوس الأرض تحت نعالكم

وأقول: أفديكم

وأهديكم ضيا عيني

ودفء القلب أعطيكم

فمأساتي التي أحيا

نصيبي من مآسيكم.

أناديكم

أشد على أياديكم..

أنا ما هنت في وطني ولا صغرت أكتافي

وقفت بوجه ظلامي

يتيما، عاريا، حافي

حملت دمي على كفي

وما نكست أعلامي

وصنت العشب الأخضر فوق قبور أسلافي

أناديكم... أشد على أياديكم!!


و شكرا

_________________
Il n'y a point de rêves trop grands mais des esprits trop petits
Revenir en haut Aller en bas
Voir le profil de l'utilisateur
Ameur J

avatar

Masculin
Nombre de messages : 930
Age : 61
Localisation : Kairouan & Ariana
Humeur : Optimiste
Loisirs : Faire qqch d\'utile
Date d'inscription : 27/09/2007

MessageSujet: Re: Nouvelle Rubrique Environnement   Mar 17 Aoû - 13:18

يقوى عـْليكـُمْ ربـّي يا 'عائد' وْ يا 'ودجعْ79"
Revenir en haut Aller en bas
Voir le profil de l'utilisateur
K-R-1

avatar

Masculin
Nombre de messages : 1508
Age : 9
Localisation : Devant/a cote du PC
Humeur : Ramadan @ Kairouan
Loisirs : Ennoum
Date d'inscription : 02/01/2008

MessageSujet: MIT Creates New Energy Source   Dim 17 Avr - 20:47

MIT Creates New Energy Source

This is some pretty exciting news. It seems that researchers at the Massachusetts Institute of Technology (MIT), one of the most prestigious science and engineering schools in the United States, has created a new energy source -- and it's clean and renewable. The odd thing is that the only way you can see this energy source is with a very powerful microscope, because it is created by using nanotechnology.

source
Revenir en haut Aller en bas
Voir le profil de l'utilisateur http://twitter.com/Kairouan_Forum
Contenu sponsorisé




MessageSujet: Re: Nouvelle Rubrique Environnement   

Revenir en haut Aller en bas
 
Nouvelle Rubrique Environnement
Voir le sujet précédent Voir le sujet suivant Revenir en haut 
Page 2 sur 2Aller à la page : Précédent  1, 2
 Sujets similaires
-
» « Dernière possession » : la nouvelle rubrique de HD.
» Petite nouvelle du Renard
» Le kidnapping comme nouvelle forme de déstabilisation
» NOUVELLE INTERVENTION MEURTRIERE DE LA MINUSTAH/FLASH
» Comment créer sa nouvelle équipe ?

Permission de ce forum:Vous ne pouvez pas répondre aux sujets dans ce forum
Le forum de Kairouan :: ENVIRONNEMENT-
Sauter vers: