Le forum de Kairouan

منتدى القيروان
 
AccueilAccueil  CalendrierCalendrier  GalerieGalerie  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  
السيد عبد المجيد لغوان الوالي الجديد لولاية القيروان
نبيل الضيف يعود إلى ممارسة مهامه على راس النيابة الخصوية في انتظار صدور القائمة الجديدة ويبادر بإزالة بناءتين فوضويتين أحداها بالحي التجاري 1 والثانية بطريق حفوز

Partagez | 
 

 Kairouan l'agonisante

Voir le sujet précédent Voir le sujet suivant Aller en bas 
AuteurMessage
pervasif



Masculin
Nombre de messages : 459
Age : 52
Localisation : Kairouan
Humeur : stressé
Loisirs : basket foot
Date d'inscription : 12/07/2008

MessageSujet: Kairouan l'agonisante   Sam 9 Avr - 22:04

قبل كل شي وباش ما نقعدوش نهزوا وننفضو نحب نذكر اللي في ها الموقع وسنين قبل ما يقطع الزين وبرشة مسؤولين في القروان كتبنا حتى عيينا حكينا على كل شي يهم القروان على التعاسة اللي وصلتلها واللي مازالت باش توصللها
حكينا بالعربية ما نفع
حكينا بالفرانسوية ما نفع
حكينا حتى بالانقليزية وما نفع
اقترحنا إصلاحات اقترحنا مشاريع نصحناهم قريناهم وريناهم الطريق الصحيح وفي الاخر فدينا وطلعت أرواحنا
وقلنا زايد الواحد كاينو يعمل في آك العملة في الرمل
لربي الكريم يا قراوة فيقوا انهضوا فزو تقعدو تحركو
هاو الشباب طيرو دار بن علي ودار الطرابلسي
هاو الجهات الأخرى كل وحدة تطالب بقسمها من ها الثورة
هاو الناس في كل ولاية حطو اليد في اليد باش ياقفو لبلادهم وأحنا الأنانية قاتلتنا وأحنا الذل يسكسك علينا
كياساتنا مكسرة واللي يشد أي ثنية وفي أي اتجاه ما يلقى كان كياسات متاع موت
الوسخ قاتلنا
البني الفوضوي قلة المرافق والبنية التحتية والزحمة والخضرة المسخة
أولادنا كرهو البلاد شي هج منها وشي يستنى في فرصتوا
قلة الحياء والعرك والمعروك والسرقة والجرائم كي البطاطا وضرب السكاكن
مهبول البوليسي الشريف اللي يجي يخدم في القروان مهبول الإنسان النظيف اللي ياخذ ربع مسؤولية في ها البلاد
عندو الحق الأستاذ الجامعي اللي يرفض أنو يترقى باسطة ما يجيش للقروان
تفيقو
آش عمل السيد الوالي من وقت سماوه في القروان فرق اللإعانات حل مشاكل إجتماعية
والله شي يضحك البلاد ماشية لتالي وقتلي الفرصة لن تعاد يا مادام سعاد
فرصة الثورة اللي هداوهالنا الشباب وباش يهدوها الشياب
الوجوه تبدلت والتعاسة هي هي
لا رينا ناس تطالب ولا رينا ناس تضرب بالبونية على مصير ها البلاد
نفسي نفسي ولا يرحم من مات
واللي عامل فيها مثقف ويبرلي في السياسة واللي عامل فيها عمر بن الخطاب واللي عامل فيها كارل ماركس واللي عامل فيها جمال عبد الناصر واللي عامل فيها قافز واللي عامل فيها الجهبذ متاع زمانو ومن راسي تقرع
سيب عليكم من ها الحديث الفارغ وهيا اخدموا على رواحكم ويزيو من تحطيم بعضكم والله ها البلاد لو كان جا فيها السلاح راو ما قعد فيها حد حي
ملا ميزيريا وملا عقلية وملا تأخر وملا ناس الراس في السما والساقين في الـــــــــ
هاو يصبرو فينا آتو تشوفو آش باش تعملو للقروان إستنا يا دجاجة حتى يجيك القمح من باجو
وقت بورقيبة مغضوب علينا في السر والعلن
وقت المخلوع يصبرو فينا بالكذب والوعود الزايفة
وهاو المستقبل كيف كيف ما يبشر بحتى خير
اكتب على الحوت وارمي في الفسقية
ومرحبا بالسب والشتم وحتى بالقوادة
انشاء الله تكونو فهمتوني على خاطر تو عندي عشرة سنين معاكم وما فهمت منكم حتى شي
Revenir en haut Aller en bas
Voir le profil de l'utilisateur
faress_62

avatar

Masculin
Nombre de messages : 3178
Age : 55
Localisation : kairouan
Humeur : cool
Loisirs : culture
Date d'inscription : 13/09/2007

MessageSujet: Re: Kairouan l'agonisante   Dim 10 Avr - 9:43

المشكل يا وجيه إلى احنا فاهمين ومتبنين كلامك حرف حرف وكلمة كلمة، والله مرضنا من الدمار الأزرق وهاني بش نعطي أمثلة
مثال رقم 1: مجالس حماية الثورة وما أدراك ما حماية الثورة اتساءل ماذا يفعلون؟ ماذا اقترحوا ؟ من معهم؟ ما هي الخبرات البلدية والمدنية والتنموية الذين معهم؟ بماذا يهتمون؟ ما هي نقاشاتهم؟ ماذا يقترحون؟ هل هي مجالس فخرية؟ ما مدى شرعيتهم؟ ما رايهم في أطنان المزابل الملقاة على الطريق ؟ ما رايهم في الإنتصاب الفوضوي الذي منع اتمام انجاز طرقات كاملة؟ ماذا فعلوا للتصدي للذين يبنون على الأرصفة ومثال ذلك براكتين الأولى أمام محطة اللواجات والثاانية اسفل العمارات بطريق حفوز
مثال رقم 2: أعوان التراتيب : لماذا لا يعملون؟ من يحاسبهم؟ هل يقبضون مرتباتهم رغم انقطاعهم عن العمل؟ هل يُعتبرون أعداء للثورة بتعمدهم التخلي عن واجباتهم وعدم لبس أزياءهم وتنفيذ مهامهم؟
مثال رقم 3: ألم يعلن الإتحاد العام التونسي للشغل أنه ضد الإضرابات والاعتصامات؟ بماذا يفسر لنا الإضراب البلدي العام؟ ولماذا اضراب مفتوح اليست سياسة الإتحاد اضرابات بيوم ثم بيومين والتفاوض أثناء ذلك؟ لماذا لا يراعي الاتحاد صحة المواطن فالروائح الكريهة في كل مكان والفضلات كالجبال واين وزارة الداخلية في كل هذا؟ هل سيكون الإضراب خالص الأجر؟
ولي عودة

_________________
Admin

du forum | de Kairouan | de Kairouan
Revenir en haut Aller en bas
Voir le profil de l'utilisateur http://kairouan2009.blogspot.com/
 
Kairouan l'agonisante
Voir le sujet précédent Voir le sujet suivant Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
Le forum de Kairouan :: KAIROUAN-
Sauter vers: