Le forum de Kairouan

منتدى القيروان
 
AccueilAccueil  CalendrierCalendrier  GalerieGalerie  FAQFAQ  RechercherRechercher  S'enregistrerS'enregistrer  MembresMembres  GroupesGroupes  Connexion  
السيد عبد المجيد لغوان الوالي الجديد لولاية القيروان
نبيل الضيف يعود إلى ممارسة مهامه على راس النيابة الخصوية في انتظار صدور القائمة الجديدة ويبادر بإزالة بناءتين فوضويتين أحداها بالحي التجاري 1 والثانية بطريق حفوز

Partagez | 
 

 Circulation et stationnement dans Kairouan

Voir le sujet précédent Voir le sujet suivant Aller en bas 
Aller à la page : Précédent  1, 2
AuteurMessage
wadja79



Nombre de messages : 814
Age : 38
Localisation : La Marsa
Humeur : hamdoullah
Loisirs : Lecture, Sport
Date d'inscription : 02/09/2009

MessageSujet: Re: Circulation et stationnement dans Kairouan   Ven 30 Juil - 8:56

البقية...


و هاذي مقتطفات من الدراسة متاع المخطط المديري لمدينة سوسة

الصورة الأولى : أنواع المفترقات إلي يقع إحداثها أو تهيئتها. و كيما تشوفوا فما 4 أنواع مختلفة حسب طبيعة المنطقة و حسب الكثافة المرورية (معناها الحكاية موش حكّ راسك و اعمل رونپوان و لكن راهي أمور علمية)



الصورة الثانية : دراسة كثافة حركة المرور حسب التقسيم الجغرافي لمدينة سوسة باش يعرفوا البقايع المكتظة أكثر من غيرها و باش يعرفوا زادة نسبة السيارات إلي تجي من برّة من سوسة و تدخل للمدينة كل يوم مقارنة بنسبة السيارات متاع المقيمين في المدينة (كيف كيف هاذي حاجات ما تتعملش بالدڨازة و لكن يلزمها طرق علمية و مختصين في القيس)



الصورة الثالثة : نتائج استجواب لتحديد الأسباب إلي تخلي الناس تتحرّك من بقعة إلى بقعة أخرى كيما العمل، الدراسة، التسوق...و كذلك تحديد المعل اليومي للتنقلات في اليوم و تقسيمه حسب التنقل بالسيارة أو لا



الصورة الرابعة : خريطة فيها المعدل اليومي للمتنقلين عبر محطة اللواجات في "الطفّالة" و اتجاه التنقلات



و فما برشة تصاور أخرين... من غير ما نثقّل عليكم.

و لكن حبيت نتوجّه بسؤال لمجلسنا البلدي و خاصة سي مصطفى الحسين (بوصفه شيخ مدينتنا) و دكتور سيف الدين الميرغني (بوصفه همزة الوصل بين البلدية و منتدانا و بوصفه قبل كل شيء صديق و عضو للمنتدى) :

سألتكم بالله، لو كان يتلمّوا ال40 مستشار البلدي و يسكّروا على رواحهم في قاعة الاجتماعات شهر كامل و هوما يخدموا، ينجّموش يعملوا وحدة (وحدة فقط) من التصاور الأربعة هذوما لمدينة القيروان؟

و سؤالي هذا موش انتقاص من حتى واحد. على خاطر حتى العبد لله موش في قدرتي باش نعمل حاجة كيف هاذي حتى لو كان نعدّي فيها عامل كامل مسكّر على روحي في بيت و أنا نخدم. يا سيدي، فما ناس مختصين في الشيء هذا. ناس شابت روسها و هي تعمل في الدراسات هاذي. معناها موش إلي يجي باش يبدا يتفلسف وحدو و يطلّعلنا في حلول من راسو لحركة المرور

يتبع...

_________________
Il n'y a point de rêves trop grands mais des esprits trop petits
Revenir en haut Aller en bas
Voir le profil de l'utilisateur
wadja79



Nombre de messages : 814
Age : 38
Localisation : La Marsa
Humeur : hamdoullah
Loisirs : Lecture, Sport
Date d'inscription : 02/09/2009

MessageSujet: Re: Circulation et stationnement dans Kairouan   Ven 30 Juil - 9:18


إحنا وين من هذا الكلّ؟ علاه ما يحكيو علينا كان من المولد للمولد؟ تعرفو علاه؟ ببساطة، على خاطر ما فما شيء ذو قيمة يتعمل في بلادنا على مدار السنة. على شنوّة باش تجي الصحف و التلفزة تحكي علينا؟ على الساحات إلي كلّها "أبناك" (مقاعد) إلي عبّات البلاد من غير حتى فائدة اقتصادية. تي بالعكس. الساحات هاذي زادت برّكت القراوة إلي هوما من عند ربّي مستانسين بالقعاد و التكركير. شوف هوما في سوسة مشاريعهم الكل متعلّقة بالحركة و تدوير الدولاب و جيبان الفلوس و الاستثمارات و شوف إحنا مشاريعنا كيفاه.

و نعرف إلي شيخ مدينتنا سي مصطفى الحسين يمكن يتغشش مني كيف يقرا الكلام هذا و لكن و الله، و بكل صدق و أمانة، ما عندي شيء ضدّه بل بالعكس نحترموا برشة على سعة صدره و متأكد ألف بالمائة إلي هو يحب يعمل برشة حاجات باهين للبلاد. و لكن نقلّوا :

يا سي مصطفى، ربي يعزّك، راك وحدك ما تنجّمش. راك وحدك، بهاك الطرق الرعوانية إلي استعملناها في القيروان فوق ال50 سنة، ما تنجّمش. رانا هكّة باش نقعدوا ندوروا في حلقة مفرغة و باش تقعد مشاريعنا حدّها حدّ "الأبناك" و تبديل الحجر متاع التروتوارات و زرع نخلتين و إلا ثلاثة كل عام باش هانا زعمة زعمة مدينة منتزه (و في الآخر يتحرقولنا). يا سي مصطفى، و الله واحد من ناس نفرح كيف نراك تطلع في التلفزة باش تحكي على مشروع ما تعملش في حتى بقعة أخرى في تونس بخلاف القيروان (موش في برنامج الحق معاك باش نفضّوا مشكلة) و نفرح كيف نراك في مقابلات صحفية و الصحفيين يسألوا فيك على المشاريع إلي عملتها البلدية في المدة النيابية متاعك. نفرح على خاطر صورة القيروان البرّة هي من صورتك إنتي و صورة المجلس البلدي و المشاريع إلي تعملوها. نفرح خاطر كيف نراك هكّاكة، نبدا نهار آخر نمشي و راسي مرفوع (و موش كان أنا و لكن القراوة الكل) على خاطر بلادي شرّفتني بالخدمة إلي تخدم فيها. على خاطر باش الواحد ينجّم يهزّ راسو في الوقت هذا (من غير تكبّر على الغير) يلزموا يخدم و يخدم و يخدم و يزيد يخدم على أسس علمية و مدروسة. هاك الكلام الفارغ متاع "التاريخ" و "ما تعرفوش جدودنا شنوّة عملوا؟" ما عندو وين يوصّل. الخدمة قبل كل شيء و من بعد نحكيو للصباح على التاريخ

هيا يا سي مصطفى، ربّي يعزّك، أعمللنا هالمخطط المديري لحركة الجولان خلي الأمور تتفرهد شوية في البلاد و الدولاب يدور و خلي الواحد ينجّم، بالحق، يفتخر بالقيروان. و يا سي مصطفى، مانيش باش نقلّك نحبّوا على مخطط كيما مدينة سوسة و لكن نقلّك نحبّوك تعمللنا مخطط خير من مدينة سوسة على خاطر هذاكا القدر الحقيقي متاع مدينة القيروان. القيروان ما تعملتشي باش تكون في المرتبة ال20 أو ال14 أو حتى الثانية و لكن تعملت باش تكون هي الأولى و تكون قدوة لغيرها. نعرف إلي ماناش باش نرجعوا لمكانتنا بين عشية و ضحاها و لكن متأكد إلي بالخدمة و حطّان اليد في اليد بين المسؤولين و المواطنين (و راهو هذا موش كلام شعارات و لكن حقائق)،  نبداو، بالسياسة بالسياسة، نرجعوا لمكانتنا. المهم نبداو الخدمة و إن شاء الله تبداها إنتي بالمشروع هذا يا سي مصطفى و تشوف بإذن الله كيفاه الخدمة تجيب الخدمة و المشروع يجيب المشروع خلي الدولاب يدور في القيروان. رانا والله فدّينا من الرقاد و التكركير و الواحد ولّى قلبو يوجعوا كي يشوف مدن أخرى تتقدّم و إحنا قاعدين جامدين في بلايصنا. آش قولك يا سي مصطفى؟ نستنّاو منك خبر باهي إن شاء الله؟

_________________
Il n'y a point de rêves trop grands mais des esprits trop petits
Revenir en haut Aller en bas
Voir le profil de l'utilisateur
pervasif



Masculin
Nombre de messages : 459
Age : 52
Localisation : Kairouan
Humeur : stressé
Loisirs : basket foot
Date d'inscription : 12/07/2008

MessageSujet: Re: Circulation et stationnement dans Kairouan   Ven 30 Juil - 9:38

بالله يزيتش مالتخرنين يا دكتور
تصعب فيها وهي ساهلة
قلوا دراسة وتصاور
تي آنا عبدكم الحقير نعطيكم الحل للجولان في ساعة من زمان :
1. نهج الفرزدق يولي يهز الأيام الزوجية وينفض الأيام الفردية
2. نهج الأعشى يتسكر الصباح ويتحل في العشية
3. نهج الأقحوان يتعمل في وسطو رون بوان ونعملولو سونس أنتردي يدور كيف الرولات وانت وزهرك : كان جاك لنتردي تروح كان عطاك بظهرو تتعدى
4. نهار الاثنين يولي جور فاريا باش الناس الكل تتصب في السوق الأسبوعية ونشجعو التجار اللي عندهم باتيندة باش يسكرو حوانتهم ونبعثوهم يقضيو
5. نعملو شنقال للبسكلاتات والموتورات
6. نعملوا شنقال للكرارط

Tu vois Dr, si je continues tous les problèmes seront résolus. Ce projet coute 1 million de dinars.
والبينه على من ادعى واليمين على من أنكر
Revenir en haut Aller en bas
Voir le profil de l'utilisateur
chehaibi salah

avatar

Nombre de messages : 531
Age : 39
Localisation : kairouan
Humeur : la vie continue
Loisirs : sport
Date d'inscription : 25/06/2009

MessageSujet: Re: Circulation et stationnement dans Kairouan   Ven 30 Juil - 9:46

يعطيك الصحة يا وادجا على ه المعلومات والمعطيات الهامة الي نجحت بها بلدية سوسة
وهذه رسالة موجهة الى المسؤولين متاعنا في القيروان باش يقتديوا بالتجربة الناجحة متاع بلدية سوسة
على اسس علمية و يزينا من الرعواني
Revenir en haut Aller en bas
Voir le profil de l'utilisateur
pervasif



Masculin
Nombre de messages : 459
Age : 52
Localisation : Kairouan
Humeur : stressé
Loisirs : basket foot
Date d'inscription : 12/07/2008

MessageSujet: Re: Circulation et stationnement dans Kairouan   Ven 30 Juil - 10:42

يعطيك الصحة يا سي صالح
تشكر في الدكتور وادجا
معناها ما عجبتكش أفكاري
باهي نزيد اقتراحات آخرين ثماش ما نلقى شكون يشكرني :
1. اللي إسمو يبدى بالصاد ويوفى بالحاء عندو كارت بلانش يوقف كرهبتو وين يحب ويتعدى منين يظهرلو ونعملولو برنامج يواتيه باش يوصل لخدمتو ومدرسة صغيراتو وقهوتو في أقل وقت ممكن
2. اللي ما يسكنش في القيروان وجاي خاصة من تونس ما يعطيش رأيو في البرنامج هذا
3. البلايك الكل تتعمل بالأخضر والأبيض
4. الاشتراك في الشبيبة يعطيك الحق في 10 في المائة خصم من خطية الشنقال


La gloire est le résultat de l'adaptation d'un esprit avec la sottise nationale (régionale). [Charles Baudelaire]
Revenir en haut Aller en bas
Voir le profil de l'utilisateur
chehaibi salah

avatar

Nombre de messages : 531
Age : 39
Localisation : kairouan
Humeur : la vie continue
Loisirs : sport
Date d'inscription : 25/06/2009

MessageSujet: Re: Circulation et stationnement dans Kairouan   Ven 30 Juil - 11:03


. البلايك الكل تتعمل بالأخضر والأبيض
. الاشتراك في الشبيبة يعطيك الحق في 10 في المائة خصم من خطية الشنقال[/size]

[quote]
في اقتراحاتك الكل عجبتني هذي

البلايك الخضراء
والبيضة
يعطيك الصحة يا برفازيف
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: Circulation et stationnement dans Kairouan   

Revenir en haut Aller en bas
 
Circulation et stationnement dans Kairouan
Voir le sujet précédent Voir le sujet suivant Revenir en haut 
Page 2 sur 2Aller à la page : Précédent  1, 2
 Sujets similaires
-
» Haïti: un camion plonge dans une rivière, des dizaines de victimes
» ET LA VERITE SORT DU PUIT/SOU MENSONGE DANS GNB CONTRE ATTILA
» haiti dans les annees 50
» Les changements climatiques menacent le tourisme dans les Caraibes
» Le poids de la Digicel dans la fiscalite haitienne

Permission de ce forum:Vous ne pouvez pas répondre aux sujets dans ce forum
Le forum de Kairouan :: KAIROUAN-
Sauter vers: