تجرى هذه الأيام مشاورات واستشارات للإختيار أعضاء القائمات الإنتخابية لمختلف الأحزاب.. هذه الإستشارات الرسمية ترتكز على عدّة معطيات اساسية تتمثل في مدى إشعاع المترشح على محيطه ومدى تمثيليته للأمّة ومدى ثقافته السياسية أو غيرها مع مراعاة تمثيليّة تغطّي كل جهات الولاية المتعددة
القائمة التي تهمّ الجميع هي ذون شكّ قائمة التجمّع الدستوري الديمقراطي لأسباب عديدة تاريخية وآنيّة وموضوعية نرجو أن تكون هذه القائمة في مستوى طموحات الجهة بأسرها وأن لا تصغي "لتكمبين" المقاهي الذي ألاحظه شخصيا من خلال جلسات تضمّ مسؤولين محليين في الجامعات والشعب مع "نبّارة" محترفين...أقول لهؤلاء إنّكم تضيعون وقتكم فيما لا يفيد فقائمة التجمّع يجب أن تكون في مستوى تطلعات تونس الحديثة التي ترنو إلى نوّاب مثقفين ( ولم لا جامعيين) ذوي قدرة على الإستيعاب والتحليل والإستنتاج والإستقراء ليتقدموا بالأمة لا ليتخلفوا بها.
ملاحظة أخرى أريد أن أسوقها وتعبّر عن هاجس الشارع القيرواني تتمثل في رجائنا الإبتعاد عن علكة "قروي وعربي" أو نمنامة "منين جاء هذا؟" فقد بلغ إلى علمي أن مناضلة محترمة وأستاذة جامعية وذات ذهنية وقادة وحضور متميز في مختلف الندوات تواجه بمقولة أنها ليست قيروانية رغم زواجها من قيرواني وإنجابها لقيروانيين وحياتها التي قضتها في القيروان.. لقد جرحها هذا الموقف الذي فيه عنصريّة مهينة ونحن في منتدانا لا يسعنا إلا التنديد بها وبمن يتبناها فالنائب في مجلس النواب هو نائب عن الشعب بأسره.

الممثل النيابي يلزم يكون انسان يعيش سياسة ويتنفّس سياسة معناه السياسة في دمو والنوع هذا ما يتصنعش في المناسبات بل هو تلقاه ملّى صغير مغروم بالسياسة ... وغرام السياسة يظهر في التصرّفات اليوميّة ... مثلا تلقاه حكاياتو الكل كان على السياسة ... خاو القانون الفلاني وهاو الراي الفلتاني .. وهاة آش يلزمنا باش نتقدموا وهاو آش يلزمنا باش انكونوا كذا وكذا ... وتلقاه كيف الحاج كلوف ما يسكتش على الشيء إلى يخالف المبادئ متاعو ... مثلا هو يحب النظافة تلقاه من بقعة لبقعة وهو يجري باش يقول ويعمل باش الحومة تبدي نضيفة .. وإلا واحد يحب الديمقراطية والشفافية تلقاه يتجن ويعمل بكل الوسائل باش يتصدّى للناس إلّى ضد هذه المبادئ .. ,إلا واحد يحب القانون كيف كيف ما يدّخرش جهد باش يقول لا ويتصدّى لمخالفي القانون إللح إلخ إلخ
النايب في مجلس النواب لازم يكون مثقّف في كل المياين باش نهار إلّى يكون فيه نفاش متاع قانون وإلا ميزانية ما يبداش ماهو فاهم شيء من الحكاية ... ولازم يكون يعرف شنوا واجبو مع الناس إلى اختارتو باش يمثّلهم .. ويلزموا يكون انسان يحب الخير لغيرو (موش بالكلام لكن بالأفعال ) باش كيف يدخل للمجلس يكون الهاجس الوحيد متاعو البحث عن مصلحة الناس إلى انتخبتو (موش الكعبتين إلى كمبنوا باش يوصلوه) وفي الآخر النائب يلزم يكون أمين وباش تعرف الواحد شوف الصحاب متاعو ولّى وصلوه
ان شاء الله مانكونش نحكي في حجات من الخيال

انا اول مرة اكتب واشكر كل الشكر الساهرين على نجاح هذا الموقع او بالاحري هذا الفوروم
في الحقيقة فارس وضع المفتاح في ثقب القفل ولكن هذا الموضوع اي موضوع الانتخابات ميدان كبير ياسر ومايفهموه كان ثلة من الناس عاقدين العزم على مقولة ( أنا فقط والدنيا توفا بعدي ) وهذه الاخيرة متحنكة وفاهمين الداخل والخارج على لجنة التنسيق وعلى اماكن اخري ذات اهمية كبرى ادارية وعندهم عيون هذيكة خدمتهم نسناسة باتم معنى الكلمة والثلة اللى نحكي علاها شادين حراس مرمى اوفياء لذاتهم واففياء للي متواجدين خارج القيروان واللى هوما اسطروا لطالع والهابط
دون اخذ اعتبار متطلبات الجهة هذا الكل رغم اللى ربي هز منهم حويجة الله يرحمهم والبقية اكيد في الثنية وطبعا الموت والحياة بدين ربي لكن في الحقيقة القيروان معروفة بما فيها من تراب سخون اطيح في كل من ايحاول يلعب بها وهاو قدامنا الامثلة القريبة جدا واحد ربي افك غلبته ولاخر بربي ارجعو من الغربة انحب نتكلم بصراحة اكثر من هكة بعض المسؤولين الموجودين سواء كانو في البلدية او غيرها تتكلم اتقول كيفاش جاو اقولولك طلعتهم الانتخابات
الديمقراطية على الراس والعين ولكن ما فيها باس المسؤولين لكبار يدخلوا بصورة خفية ويقنعوا السيد باش اخلى مكانوا للشباب المثقف والمتعلم والمشع انزيد نمشي لبعيد نعطيكم مثال هل يعقل ان يكون شخص واحد مسون قاعدي في التجمع ومسؤول قطاعى على نفس القطاع زد على ذلك مسؤول حزبي مشع على المهنيين بجميع اصنافهم
انزيد حاجة اخرى وهذا موضوعنا الاساسي اعضاء مجلس النواب هوما ابكلهم اركبوا تسعة وتسعين كيف ولكن الكيف
الوحيد اللى ناقص هو رضا الجهة عليهم كيفاش حيب راي المتواضع

انفكر في اقرب وقت وانقللكم

اولا نشكر اختنا انسانة وانفللها كل عام وانت حي بخير انا قصد تدخل المسؤلين لكبار لتاثير على الناس اللى امكبشي بيديهم وابساقيهم في الكراسي ما قللتش من اشعاع الشباب بل اقصدت انه الشباب يلزم انخليولهم فرصة للبروز واتكلمت على حراس المرمي في القيروان وجهات اخرى والمهم ان شبابنا المتعلم قادرين اقولو كلمتهم وقادرين افكو بلاصتهم طبعا لخمة الجهة والوطن
كما انثمن فكرة خونا فارس نعملو سبر آراء ياخذو بيه او مايخذوش بيه المفيد لعباد تقول رايها لأن الساسة الصحاح ايقولوا ما تتقدم بلاد الا برجالها
من هنا انقول للسيد الوالي المحترم اللى حباه سيادة الرئيس بثيقته على راس هذه الولاية الموغلة في التاريخ يستانس بآراء
اهل العلم واهل الثقة والمشورة ونظافة اليد او باش ما تطلعشي مفاجآت ما جاء بيه الاخ فارس ناخذو بيه وهو عين الصواب واعلاش لا
نبقي في الانتظار

اشبيك يا فارس ما تعترفش برجال الثقافة والفن فم برشة اوجوه جهوية ووطنية ولمالا عالمية ووجوه جمعياتية وغيرها من رجال الثقافة
نعطيك قائمة مش تخرج هي ونتخاطر معاك
1 انيسة لعبيدي
2مدام النجار المالكي
3مدام العارم
4كاتب العام للجنة التنسيق
5 مصطفي الحسين
6خير الدين الذهبي
8 محسن التميمي
9وعن الشباب اكرم السبري