Parc de foires

الشعبة و الشعب و الشعباويين و المتشعبين...
آش يكون ينسق مابيناتهم ?
آيا مالا .. القروان من شعبة الى طرنوط , وعلى الدنيا السلام..

سي رئيس الشعبة القديم متاع العهد القديم إلّي حكا عليه الأدمن عندي عليه حكاية أنا بيدي حاضر وشاهد عليه وهاني بش نحكيهالكم... مرّة في اجتماع مجلس لجنة التنسيق الحزبي وإلي يحضروا فيه الإطارات الحزبية خذا الكلمة سي رئيس الشعبة وبدا يمدح في السيد الوالي وقال في معرض حديثو: وين نطلبو باش انقابلو السيد الوالي يتصل بينا ............ " وهو يقصد كلمة شخصيا" والكلمة كي غلط فيها عطات معني قبيح وبليد وسكتو الحاضرين وغطاو روسهم وطفاو الضو على سي رئيس الشعبة المتسقف

J'aimerais avoir une explication entre le sujet original et les commentaires postés 100% "tanbir"

تنبير شنوّا يا خويا أما كانك خيّاط تبّع الغرزة وإحنا هنا حديثنا ذو شجون نحلو موضوع ونحكيو فيه بكل أريحية ومن غير أفكار مسبقة وإلّي يقلق يدّي لِكرا

ماهو يا كيناس عندنا مدّة ملى جبدنا الموضوع و قصينا نستناوا في الفرج و المعرض يتعمل.. جاء المقال متاع الجريدة حيّر المواجع و كيف الكلام قلناه وباقي الناس راهي تقرى فيه و ماتحيرتش و عاملة مولا المول موش هوني.. عاد كلمة إتجيب كلمة من القلب المعبي حتي لين وصلنا لهالحكايات إلّي هي راهي ماهياش خارجة علي الموضوع.. إتنجّم تحكي في صلب الموضوع ومن غير ماتجبد كلمة المعرض... و كان عندك سبب واضح للمشكل متاع عدم إنجاز هالبنية إلى فلوسها مرصودة وراقدة قولهولنا ، توا إرتحنا من هالموضوع و نربحوا راحتنا و وقتنا و نمشيو نرقدو خير

ر

Ya si Adel, grace au tel arabe, cet anecdote est parvenu ici même à Tunis, par ailleurs je crois qu'elle n'est pas trés ancienne (il y a 3 ou 4 mois) ..

هناني والحاج يبرمجوا باش يزوروا القيروان في أوّل دورة لمهرجان المقروض

اليوم سمعت إلّي القيروان باش تعمل مهرجان للمقروض,, وأوّل مناسبة باش إتكون بداية من نهار 20 أفريل.. عاد أنا سارحة انخمّم نمشي ولا ما نمشيش … و يعرضني الحاج كلوف امروّح من السوق ، هازز هاك القفيفة المعبية بالخضرا و الغلّة و حاطط من الفوق بالكل قرطاس الحوت … سلّمنا علي بعضنا و وشحلنا و قتلو: يا حاج يا خويا راني شاهية إنزور رجال صبرة.. قالى: واشنوا إلّى فكرك فيهم؟ والصيف بدا في القيروان والسخانة راهي طالعة… عاد امشيت في أوّل الربيع؟
قتلو: ماهو يا حاج هالمدّة باش يعملو مهرجان متاع مقروض.. وانا ماك تعرف أختك، مانحب كان كعيبة مقروض مع القهوة العربي.. لانحب لا حلو لبناني ولا شامي ولا فرنساوي… عاد قلت، نمشي للمعرض متاع المقروض في القيروان ، متّى انزور السيد الصحبي و نقري عليه فاتحة،… و مني انصلّي في الجامع الكبير… و انزور الفسقية الكبيرة و الصغيرة… ونشرب شويا ماء من بروطة.. ونشري شويا مقروض وانروّح علي رويحتي..
و قالوش فين باش يعملوا المهرجان؟
لا يا حاج ، يظهرلي القروان من هاك العام ماعندهاش المسكينة معرض.. ولّي سمعتو الفلوس متاع البنية عندها قريب العامين عاطين هالهم و الجماعة المسؤولة إلى خذات الفلوس ، مازالت إتلوّج على بقيعة أرض و لتوا مالقات.
مالا كيفاش يا هناني؟ الفكرة هي هايلة .. واتعرّف بالمقروض في الخارج و اتفرهد شويا هاك البلاد في الحركة الإقتصادية… لكن باقي مانيش فاهم كيفاش مهرجان من غير بقيعة فين باش يتلموا الصنايعية و يعرضوا المقروض متاعهم… مالا كيفاش الواحد باش يذوق و يختار؟
شوف كيف تمشي بالكرهبة ، وانت داخل من سوسة ولا تونس .. أوّل حاجة تعرضك الفسقية … أدخل من الباب إلى في الجنب على خاطر الباب الرئيسي امسكّر على طول هاكا… و امشي طبّص علي الفسقية الكبيرة و من بعد علي الفسقية الصغيرة … و توا تلقى الفسقية الكبيرة فيها شويا ماء و الصغيرة مافيهاش ماء لكن فيها شويا زبلة…
و من بعد، اتهز روحك و تمشي للسيد الصحبي … هاوكا يبدى مقابلك… تقرا فاتحة و تشرب شريبة ماء .. و تعطي ماكتب لهاك الراجل و تخرج… تركب الكرهبة و ترجع على ثنيتك حتي لين توصل للرمبوان متاع السبيطار .. اتدور معاه …. لين توصل لرنمبوان آخر ، تدور علي ليمين تلقي النحايسية … تمشي تشري شويا نحاس… ترجع علي ثنيتك واتدور علي ليمين
يا هناني رانا ماشين للمهرجان متاع المقروض وانت كمّلت النهار في الدولاش ولتوا ماوصلنا لبياعة المقروض…

Source : http://blog.tunisien.org/
_________________
Kairouan.org
Toujours copié, jamais égalé
Tunisian Best e-Contents'2007

خليني انكملّك ماهو كيف توصل لوتيل القصبة دور علي اليسار وامشي طول تلقى روحك في الخسّالة ، أتزيد تقدّم تلقي روحك قدام جامع الكبير… تدخل تتفرّج علي الجدود آش عملوا واتصلي و تخرج …
هذا الكل في السخانة يا هناني؟ رانا إنموتوا وفين باش نقعدوا نشربوا حويجة باردة؟ ولا ناكلوا حويجة؟ ولا نعملوها الشر والخلاعة؟
يا حاج راك ماكش ماشي لبلاد أماليها إمسيبة.. متاع قعدات في القهاوي المشرهة و المطاعم الضاوية … القروان بلاد محافظة و ماعندهاش الرويّق متاع القهاوي و المطاعم… وكانك علي الشريبة الباردة توا نمشيوا لبروطة … و كانك علي الماكلة توا نشريوا كسكروتات كفتاجي و ناكلوهم في الكرهبة… وبالله يا حاج ماتهزّش كرهبة لونها غامق باش كيف ناقفوا و ناكلوا الكسكروتات مانموتوش…
و المقروض يا هناني فين؟؟؟

كيف نوصلوا لبروطة نلقاوا السوق فيه برشا حوانت متاع مقروض …و يزيد كيف نسألوا على بقايع أخري … توا الناس ولاد البلاد ينعتونا…
وكيفاش نعرف مقروض اشكون خير؟ ولا نشري من كل واحد رطل و كيف نرجع للدار انذوق و نختار؟
لا يا حاج … توا لازم ينعتونا على أحسن واحد يعمل المقروض… و نمشيوا نشريو من عندو
مالا كيف الحكاية ولات توا ينعتونا الناس مالا لواش المهرجان؟ ماهو كل يوم في بداية الربيع إنجمو نمشيو للقيروان ونعملو هالدورة و نشريو المقروض…
مايسالش يا حاج علي خاطري… ماني قتلك المسؤولين علي بنيان معرض راهم المسيكنات مازالوا يلوجوا علي طريّف أرض … توا كيف يلقاووها حتي في بلاد أخري ، يشريوها و يعملوا المعرض بالقدا…
يا حاج يا خويا راهي هاك البلاد مسكينة ميتة وما عندها كان حوانت المقروض و الكفتاجي إلى معيشين نصف سكانها … وأمالاها الكبارات ، قالولك انحبوها تقعد هكّة باش تقعد تاريخية و اتناسب التظاهرة متاع العام الجاي كان سمعتش بيها؟

اسمعت يا هناني.. ماهي عام 2009 باش اتكون :عاصمة ثقافية اسلامية

Source : http://blog.tunisien.org/
_________________
Kairouan.org
Toujours copié, jamais égalé
Tunisian Best e-Contents'2007

Est ce que vous croyez que les 250 000 D n'ont pas perdu de leur valeur?

vu l'augmentation des matériaux de construction depuis.

C'est étrange, l'embellissemnt de l'esplanade Ouled Farhan a coûté 300 milles dinars, la place des martyrs 350 milles dinars, compte tenu de ces chiffres, le parc de foire doit coûter environs 600 milles dinars, bien sur si on veut faire un parc spacieux et digne de la ville de kairouan, dans les normes, avec parking, espace vert, etc ...

La section régionale des femmes chefs d'entreprises relevant de l’UTICA Kairouan organise en ce moment au sein de l’espace «Abbassia» la 2e édition du salon «beiti».

Femmes avant tout mais meneuses et entreprenantes. Elles démontrent clairement qu’elles peuvent s’organiser pour gagner en efficacité et avoir leur petite exposition bien à elles faute d’un parc de foires qui tarde à s’implanter à Kairouan.

Le message est à la fois clair et puissant. Bravo Mesdames.
_________________
Kairouan.org
Toujours copié, jamais égalé
Tunisian Best e-Contents'2007

même avec un message dans la langue des signes, rien n'est garanti, seul le language de la raclette et les seaux, qui pourrait eventuellement faire qcq choses ..

madame chema touibi m'a déclaré que le RCD veux donner la chance aux jeunes de montrer leurs talents d'artisant et de createur par ce petit foire entre la maison de culture et la ABASSIA et aussi déclarer que kairouan a besoin d'un grand parc de foires